JP PRODUCTION

JP PRODUCTION LEO HII WAKIWA KATIKA SHUGHULI YA UANDAAJI WA VIDEO YA KWAYA NA BAND

wakati wa maandalizi kwa ajili kurekodiwa

wauinbaji wakiimba na kucheza wakati wa kurekodiwa

 

Waalam wa vedeo recording wakiwa katika majukumu yao

Word of today

You can not have big God and be small
                               
                             1kor 14:33

VICHWA VYA HABARI MAGAZETINI LEO

MAJAMBAZI YATEKA MABASI 7 ARUSHA

Kundi la watu wanaosadikiwa kuwa majambazi, wameteka mabasi saba ya abiria yanayofanya safari zake kati ya Jiji la Arusha na Nairobi, Kenya na kupora mali na fedha ambavyo thamani yake haijafahamika.

Tukio hilo ambalo limethibitishwa na Jeshi la polisi, mkoani Arusha llitokea usiku wa kuamkia jana katika eneo la Mbuga Nyeupe, wilayani Longido Mkoa wa Arusha baada ya watu hao kuweka mawe barabarani na kuwamuru abiria wote kutemka mmoja baada ya mwingine, kulala chini na kuwapekua kila kitu walichokuwa nacho.
DEREVA ALIYETEKWA ASIMULIA
Akisimulia mkasa huo, dereva wa basi la Perfect Trans, Joseph John, alisema kuwa watu hao waliokuwa na silaha za jadi yakiwamo mashoka, mapanga na sime, waliteka mabasi hayo majira ya saa 8 usiku.
“Hao jamaa walikuwa kama 50 hivi kwani waliteka magari yetu ambayo yalikuwa yamefuatana, wametuvua hadi viatu, saa yaani walipekua hadi wanawake waliamriwa kuvua nguo na kuporwa urembo wenye nakshi ya madini ya vito,” alisema John.
Alisema yeye alikuwa dereva wa kwanza kufika na basi katika eneo hilo na kuwa alipoona mawe yamepangwa kati kati ya barabara, aliamua kusimama na alipokuwa akijaribu kuyakwepa, alipigwa jiwe usoni hali iliyomfanya ashindwe kukimbia.
“Hata wengine walikuwa hawajafunika nyuso zao, tukio lilidumu kwa dakika zaidi ya shirini, kila walipomaliza kupekua watu wa basi moja waliwaamuru warudi ndani ya gari,” alisimulia.
Dereva mwingine aliyejitambulisha kwa jina la Jabir Athumani, alisema baadhi ya majambazi hayo yalikuwa yakiita majina ya baadhi ya watu na kuwaamuru kutoa fedha walizokuwa nazo.
“Tunaomba vyombo ulinzi na usalama vifuatilie tukio hili kwa umakini wa hali ya juu ili kuwanasa wahusika wa tukio hili,” alisema Jabir.
Aidha, alililitaka Jeshi la Polisi lirudishe magari ya doria katika barabara ya Arusha–Namanga ambayo yaliondolewa Aprili mwaka jana.
POLISI: TUTAZUNGUMZA LEO
Kamanda wa Polisi mkoa wa Arusha, Liberatus Sabas, alithibitisha kutokea kwa tukio hilo na kuahidi kulitolea ufafanuzi leo.
“Hapa nipo katika majukumu mengine, sipo ofisini nitawapa taarifa za tukio lote Jumatatu (leo) mchana, naomba subiri nitafanya mkutano na vyombo vya habari na nitawapa maelezo ya tukio lote,” alisema Sabas.

MH:SUGU APATA AJALI KITONGA

mbunge wa mbeya mjinimh Joseph Mbilinyi anusurika katika ajali iliyotokea mkoani iringa wilaya ya kilolo eneo la mlima kitonga tarehe 10, inaelezwa kuwa chanzo cha ajali ni kufeli kwa break iliyopelekea kuanguka kwa gari miguu juu kichwa chini. Gari aina ya Toyota rand cruser ambalo lilikuwa likiendeshwa na muheshimiwa huyo na ndani ya gari kulikuwa nawatu wanne na wote walitoka kwa usalama isipokuwa mh: sugu.

Gari ya sugu baada ya kupata ajali mkoani iringa









muonekano wa gari baada ya ajali mlima kitonga mkoani iringa


mbunge wa jimbo la mbeya akiwa hospitali kutibiwa majeraha

AJALI CHALINZE

Gari yenye namba za usajili T349CPQ aina ya Kenta likiwa limepata ajali maeneo Mbala Chalinze baada ya kupasuka taili la nyuma na kupoteza muelekeo.Dereva wa gari hiloambaye hakutambuluka jna lake aliumia na kukimbizwa Hospitali Chalinze.

Mmoja wa viongozi wa juu wa LRA ajisalimisha

Joseph Kony, kiongozi wa kundi la waasi wa Uganda LRA.

AFP

Mtu anayedai kuwa mmoja wa makamanda wa juu wa kundi la waasi la LRA kutoka nchini Uganda, anazuiliwa na wanajeshi wa Marekani.

Mtu huyo anayejiita Dominic Ongwen alijisalimisha kwa wanajeshi wa Marekani, kwa mujibu wa ripoti za Wizara ya ulinzi ya Marekani.
Ongwen anatakiwa na Mahakama ya Kimataifa ya ICC kwa makosa ya ukiukwaji wa haki za binadamu.

Joseph Kony akiwa Sudani Kusini mwaka 2008. REUTERS/Africa24 Media

Ongwen amekuwa akielezwa kuwa naibu wa kiongozi wa LRA, Joseph Kony, anayetafutwa na wanajeshi wa Marekani na wale wa Umoja wa Afrika.
Serikali ya Marekani imeendelea kuthibitisha taarifa hiyo ya kujisalimisha kwa mmoja wa makamanda wa juu wa kundi la waasi wa Uganda la Lords Resistance Army LRA.
Kwa mujibu wa msemaji wa wizara ya mambo ya kigeni ya Marekani, Jane Psaki, Dominic Ongwen anayedai kuwa ni mmoja wa watu wa karibu wa kiongozi wa kundi la LRA linaloongozwa na Joseph Kony, amejisalimisha kwa wanajeshi wa Marekani.

Wachambuzi wa mambo wanaona kuwa iwapo itathibitika kuwa mtuhumiwa huyu ni mtu wa karibu wa Kony, itakuwa pigo kwa kundi hili ambalo linaendesha harakati zake kwenye misitu ya Jamhuri ya Afrika ya Kati.

VICHWA VYA HABARI MAGAZETINI JUMAPILI YA 4 JANUARY 2015

RECEIVE THE YEAR OF NEW HOPE

NDEGE ZAANZA KURUKA KENYA

Mamlaka ya Uwanja wa Ndege wa Kenya imesema safari zimeanza kama kawaida baada ya mamlaka hiyo kuondoa ndege zote kwenye njia ya kurukia ya Jomo Kenya mapema jana kufuatia tukio la ndege kutua kwa dharura.

Kwenye taarifa yake mamlaka hiyo imesema imemaliza uchunguzi wa njia ya kurukia ndege na sasa imefunguliwa, na safari zote za kuingia na kutoka zimerudi katika hali ya kawaida.
Awali mamlaka hiyo ilisema timu yake imefanikiwa kuiondoa ndege iliyotua kwa dharura kwenye njia ya kurukia, tukio ambalo lilisababisha ndege kutua kwa muda kwenye uwanja wa ndege wa Mombasa. Hadi sasa haijajulikana sababu ya ndege hiyo kutua kwa dharura na hakuna ripoti za watu waliokufa au kujeruhiwa kwenye tukio hilo.

WATU 90 WAUWAWA KATIKA MAPIGANO BURUNDI

Watu 90 wameuawa katika mapigano yaliyojiri kati ya askari wa Burundi na waasi wa Jamhuri ya Kidemokrasia ya Kongo katika mkoa wa Cibitoke, kaskazini magharibi mwa Bujumbura. Msemaji mmoja wa jeshi la Burundi aliyefahamika kwa jina moja la 'Anatoli' amewaambia waandishi wa habari kwamba, mapigano hayo yaliyoanza tangu siku ya Jumatatu na kuendelea hadi jana, yaliibuka wakati waasi wanaokadiriwa kufikia 200 wa Jamhuri ya Kidemokrasia ya Kongo walipojaribu kuingia nchini Burundi. Kwa mujibu wa afisa huyo wa jeshi la Burundi, askari wasiopungua 20 wamepoteza maisha huku zaidi ya waasi 70 wakiuawa. Kwa mujibu wa duru za jeshi la nchi hiyo, hadi sasa hakujatolewa ripoti kamili juu ya hasara iliyotokana na mapigano hayo. Inaelezwa kuwa waasi hao wa Jamhuri ya Kidemokrasia ya Kongo walikuwa wamekusudia kuteka ardhi na kupora maliasili za eneo la Kibira nchini Burundi.